UNIART X Faqum

غسان حلاوة

ال​حياة فيها فرص بكل مكان، فرص حب وسعادة ونجاح ما بشوفها إلا اللي بيشتغل على حاله ومصحصح وبيخلق الفرص يإيده بدون ما يستنى حدا

 

الحياة بتعطيك شو بتعطيها من قلبك وشو بتطلب منها. أعطيها حب وفرح وأمنيات فيها خير ونجاح للجميع رح تلاقيهم اذا بدك اشي يزيد عندك أعطي منه

لأنه القلب مصدر الشغف والسعادة والأمل والأهم مصدر العطاء، لأنه القلب هو المسؤول ياخد الدم من الجسم ويطلع دم جديد عشان يخلق حياة جديدة

 

عملنا هذا التصميم ليعكس أهمية القلب وانه دائما بده يكون متجدد بالحب والحياة والألوان والفرح. عملناه يطلع منه حب وسعادة وأمنيات فيها خير وطاقة إيجابية للجميع

 

ولأنه دائما بندعي "الله يرزقنا ويرزق منا ويجري خيره على إيدينا ويختصنا في قضاء حوائج الناس". يرزق منا المعرفة، يرزق منا الفرح، يرزق منا الطاقة الإيجابية، يرزق منا الخير، يرزق منا الفرص، يرزق منا الإلهام، يرزق منا التحفيز، يرزق منا الأمل، يرزق منا الابتسامة الحقيقية، يرزق منا أمنيات الحب والنجاح

social icons-04-01.png

وعشان نعكس هذا على أرض الواقع، ١٠٪؜ من ارباح عوائد كل منتجات وتصميم #فقم رح تروح لدعم الافراد في المجتمع اللي بحاجة لدعم ليعيشوا حياة أكثر سعادة
ممكن يكون أب، أم، أخ، صديق، أو صاحب. رح نعمل أكثر اشي بنقدر عليه انه نطلع هذا الدعم للأشخاص اللي بيستحق

​غسان حلاوة، هو ريادي أعمال متسلسل بيحب الحياة والناس. عاشق للتعلم من كل شخص بيقابله ومؤمن بأهمية انه كل أفراد المجتمع ممكن يتشاركوا مع بعض عشان
 نخلق حياة أفضل وأسعد للكل مؤسس شركة باراشوت١٦ وهي وكالة تغيير متخصصة في مجال ريادة الأعمال والابتْكار شريك في أكثر من شركة ناشئة وعضو مجلس إدارة نادي الإعلام الإجتماعي وزميل في أكثر من منظمة في أمريكا وأوروبا لدعم نظام ريادة الأعمال في المجتمعات في العالم العربي

out 1_edited.png
out 1_edited.png
out 1_edited.png
Fear of missing out?
  • Facebook - Black Circle
  • Instagram - Black Circle
  • Pinterest - Black Circle

Amman-Jordan

+962-798975131

info@uniart.gallery

uniart branding 2017-07.png